Ֆլեթչերի Ուսանողները Մշտական Ներկայացուցչությունում

10 հունվարի, 2014

2014թ. հունվարի 10-ին ՄԱԿ-ում Հայաստանի մշտական ներկայացուցչությունը հյուրընկալել է Թաֆթսի համալսարանի Ֆլեթչերի իրավունքի և դիվանագիտության դպրոցի ուսանողներին, որոնք Նյու Յորքում էին գտնվում դպրոցի կողմից կազմակերպվող տարեկան այցի շրջնականերում` ուսումասիրելու ապագա աշխատանքի հնարավորությունները: Հաշվի առնելով Հայաստանի հետ ունեցած սերտ կապերը, Ֆլեթչերի Կարիերայի կենտրոնը խնդրել էր, որպեսզի ուսանողները հնարավորություն ունենային անմիջականորեն ծանոթանալու ներկայացուցչության աշխատանքներին:

Ուսանողները հնարավորություն են ունեցել քննարկումներ անցկացնել ՄԱԿ-ում ՀՀ մշտական ներկայացուցիչ, դեսպան Կարեն Նազարյանի, ինչպես նաև ներկայացուցչության աշխատակիցների հետ, որոնցից երեքն ուսանել են Ֆլեթչերի դպրոցում: Հանդիպմանը համալսարանականներին ներկայացվել է ՄԱԿ-ում ՀՀ պատվիրակության գործունեությունը, հիմնական ուղղությունները, կազմակերպությանը Հայաստանի անդամակցության և մշտական ներկայացուցչության հիմնադրման պատմության մասին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր