ՄԱԿ-ում ՀՀ մշտական ներկայացուցիչը ելույթ է ունեցել պաշտպանելու պատասխանատվության և ցեղասպանությունների կանխարգելման վերաբերյալ ՄԱԿ Գլխավոր ասամբլեայի հանդիպմանը

01 հուլիսի, 2025

Հուլիսի 1-ին ՄԱԿ-ում ՀՀ մշտական ներկայացուցիչ Պարույր Հովհաննիսյանը ելույթ է ունեցել «Պաշտպանելու պատասխանատվությունը և ցեղասպանությունների, պատերազմական հանցագործությունների, էթնիկ զտումների և մարդկության դեմ հանցագործությունների կանխարգելումը» օրակարգի կետի ներքո ՄԱԿ Գլխավոր ասամբլեայի լիագումար հանդիպմանը:

Դեսպան Հովհաննիսյանն ընդգծել է Հայաստանի լիակատար հանձնառությունը ոճրագործությունների կանխարգելման և զոհերի հիշատակն ու արժանապատվությունը պաշտպանելու միջազգային ջանքերին։ Ելույթում անդրադարձ է կատարվել ՄԱԿ-ի վաղ նախազգուշացման և արագ արձագանքման մեխանիզմների վերանայման և ամրապնդման, ինչպես նաև հաշվետու և արդյունավետ համակարգի կառուցման անհրաժեշտությանը՝ ոճրագործությունների պատճառների հասցեագրման և արդարության ապահովման նպատակով։

Ելույթի տեքստն ամբողջությամբ հասանելի է հետևյալ հղումով՝ https://un.mfa.am/en/statements/2025/07/01/statement-by-h-e-paruyr-hovhannisyan-at-the-unga79-plenary-debate-under-the-agenda-item-132-%E2%80%9Cthe-re/14562

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր