ՀՀ ՄՆ երրորդ քարտուղար Ջուլիետա Թավաքալյանի ելույթը ՄԱԿ ԳԱ 80-րդ նստաշրջանի 2-րդ կոմիտեի «Կայուն զարգացում» օրակարգային կետի ներքո

14 հոկտեմբերի, 2025

ՄԱԿ ԳԱ 80-րդ նստաշրջանի երկրորդ կոմիտեի օրակարգային 18-րդ կետի (Կայուն զարգացում) քննարկման ընցացքում Հայաստանը շեշտեց, որ որպես Կենսաբազմազանության 17-րդ համաժողովի առաջիկա նախագահություն՝ Կունմինգ-Մոնրեալ կենսաբազմազանության գլոբալ շրջանակի ընդհանուր առաջընթացի գլոբալ վերանայումը Հայաստանի առաջնահերթությունն է՝ ապահովելով թափանցիկ, գիտության վրա հիմնված և լուծումների տանող գործընթաց: Այս համատեքստում կարևորվեց ազգային կենսաբազմազանության ռազմավարությունների և գործողությունների ծրագրերի (NBSAPs) ժամանակին ներկայացումը և արդյունավետ իրականացումը՝ կոլեկտիվ առաջընթացը գնահատելու և ազգային ջանքերը Գլոբալ շրջանակի նպատակներին և խնդիրներին համապատասխանեցնելու համար:

Հայաստանը ջանքեր կգործադրի՝ առաջ մղելու պետական և մասնավոր ռեսուրսների հոսքերի ընդլայնման, կենսաբազմազանության և կլիմայի փոփոխության ֆինանսավորման միջև կապի ամրապնդման և նորարարական մեխանիզմների խթանման համապարփակ մոտեցման ձևավորման ուղղությամբ, որը ֆինանսավորումն ուղղակիորեն կուղղորդի ամենակարիքավոր երկրներին և համայնքներին: Այս առումով, Կալի ֆոնդի գործարկումը ընդգծվեց որպես հիմնական առաջնահերթություն՝ ապահովելու,որ վերջինս նոր և լրացուցիչ ռեսուրսներ տրամադրի Կենսաբազմազանության գլոբալ շրջանակի իրականացմանը աջակցելու համար՝ միաժամանակ խթանելով թափանցիկությունը, երկրների պատասխանատվությունը և զարգացող երկրների համար հավասար հասանելիությունը:

Ելույթի տեքստն ամբողջությամբ հասանելի է հետևյալ հղումով՝ https://un.mfa.am/en/statements/2025/10/14/statement-by-ms-julieta-tavakalyan-third-secretary-of-the-permanent-mission-of-armenia-at-the-unga8/14829

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր