ՄԱԿ կենտրոնակայանում տեղի ունեցավ «Գիտական, տեխնոլոգիական և նորարարական լուծումների դերը որպես կայուն զարգացման նպատակների իրականացման միջոց» խորագրով միջոցառում

09 մայիսի, 2024

Մայիսի 9-ին ՄԱԿ-ում Տնտեսական և Սոցիալական Խորհրդի հովանու ներքո անցկացվող Գիտության, տեխնոլոգիաների և նորարարությունների ամենամյա ֆորումի (Multi-stakeholder Forum on Science, Technology and Innovation for the Sustainable Development Goals, under the auspices of ECOSOC) շրջանակներում Հայաստանի մշտական ներկայացուցչության կողմից կազմակերպվեց «Գիտական, տեխնոլոգիական և նորարարական լուծումների դերը որպես կայուն զարգացման նպատակների իրականացման միջոց» խորագրով հարակից միջոցառում։

Միջոցառմանը որպես բանախոսներ մասնակցեցին ՀՀ բարձր տեխնոլոգիական արդյունաբերության նախարարի տեղակալ Ռուբեն Սիմոնյանը, ՄԱԶԾ Եվրոպական և ԱՊՀ տարածաշրջանային բյուրոյի տնօրենի տեղակալը, ՄԱԿ ԳՔ տեխնոլոգիական հարցերով հանձակատարի հատուկ խորհրդականը, «Էնթերփրայզ Արմենիայի» ներկայացուցիչները, ԹՈւՄՈ կենտրոնի Լոս Անջելեսի մասնաճյուղի ղեկավարը։

Միջոցառմանը բացման խոսքում ՀՀ մշտական ներկայացուցիչ Մհեր Մարգարյանն անդրադարձավ ՄԱԿ զարգացման համակարգի դերակատարությունը՝ նոր մարտահրավերներին գիտելիքահեն մոտեցումների կիրառման համատեքստում: Շեշտվեց թվային և նորարարական տեխնոլոգիաների նշանակությունը հատուկ իրավիճակում գտնվող երկրների սոցիալ-տնտեսական և հումանիտար կարիքներին արձագանքելու համար:

ՀՀ բարձր տեխնոլոգիական արդյունաբերության նախարարի տեղակալը ներկայացրեց գիտության, տեխնոլոգիաների և նորարարությունների ոլորտում Հայաստանում տեղ գտած զարգացումները, ինչպես նաև պետական և մասնավոր հատվածների համագործակցությամբ իրականացվող մի շարք ծրագրեր:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր