ՀՀ պատվիրակության ելույթը ՄԱԿ ԳԱ 80-րդ նստաշրջանի Չորրորդ կոմիտեի «Աջակցություն ականազերծման գործողություններում» օրակարգային կետի ներքո

23 հոկտեմբերի, 2025

ՄԱԿ ԳԱ 80-րդ նստաշրջանի Չորրորդ կոմիտեի «Աջակցություն ականազերծման գործողություններում» օրակարգային կետի ընդհանուր քննարկման շրջանակներում ՄԱԿ-ում ՀՀ ՄՆ երրորդ քարտուղար Անժելիկա Առուշանյանն ընդգծեց ականազերծման մարդասիրական բնույթը և Հայաստանի հաստատակամ հանձնառությունը մարդասիրական նորմերին և սկզբունքներին:

Մեծապես կարևորելով ականազերծման գործողություններում աջակցության ցուցաբերումը և վերահաստատելով հակահետևակային ականների և այլ պայթունավտանգ զինատեսակների հումանիտար հետևանքների հասցեագրմանը միտված միջազգային ջանքերին Հայաստանի հանձնառությունը՝ Հայաստանի Հանրապետությունը հետևողականորեն նշանակալի ներդրում է ունեցել հակամարտային գոտիներում հիշատակված նպատակների համընդգրկուն իրականացման գործում։

Հայաստանի հաստատակամ հանձնառությունը մարդասիրական սկզբունքներին փաստվել է 2019-2024թթ. Սիրիայի Հալեպ քաղաքում մարդասիրական առաքելությանը մասնակցությամբ, որտեղ հայ մասնագետները աջակցում էին ականների հայտնաբերման և վնասազերծման միջազգային գործողություններին։

Ի թիվս այլնի, մարդկային տառապանքների կանխարգելման և անվտանգության ապահովման համատեքստում ընդգծվեց անկեղծ և ապաքաղաքականացված փոխգործակցության կարևորությունը։

Ելույթի տեքստն ամբողջությամբ հասանելի է հետևյալ հղումով՝ https://un.mfa.am/en/statements/2025/10/23/statement-by-the-delegation-of-armenia-at-the-unga80-fourth-committee-under-agenda-item-assistance/14893

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր