ՄԱԿ Անվտանգության խորհրդի նախագահին հասցեագրված ՀՀ մշտական ներկայացուցչի նամակը՝ Ադրբեջանի սադրիչ գործողությունների վերաբերյալ

20 մայիսի, 2021

Մայիսի 19-ին որպես ՄԱԿ Անվտանգության խորհրդի պաշտոնական փաստաթուղթ հրապարակվել է ՀՀ մշտական ներկայացուցչի նամակը՝ ուղղված ՄԱԿ Անվտանգության խորհրդի մայիս ամսվա նախագահ Չինաստանի մշտական ներկայացուցչին՝ ՀՀ տարածքում Ադրբեջանի կողմից սանձազերծված միջադեպի վերաբերյալ։

Նամակում շեշտվում է, որ Ադրբեջանի սադրիչ գործողությունները տեղի են ունենում այդ երկրի կողմից հակահայկական ատելության արշավի լայն թափով ծավալման և Հայաստանի ինքնիշխան տարածքի հանդեպ հավակնությունների ներկայացման համատեքստում։

ՄԱԿ Անվտանգության խորհրդի անդամների ուշադրությունն է հրավիրվում Ադրբեջանի կողմից ՄԱԿ-ի կանոնադրության նպատակների և սկզբունքների ու միջազգային իրավունքի կոպիտ խախտումների վրա, որոնք լրջորեն սպառնում են տարածաշրջանային և միջազգային խաղաղությանն ու անվտանգությանը։

Փաստաթուղթը հասանելի է հետևյալ հղումով` https://undocs.org/S/2021/467։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր