Հայոց Ցեղասպանության 100-ամյա տարելիցի միջոցառումները համակարգող հանձնախմբի նիստ Նյու Յորքում

24 հոկտեմբերի, 2012

Հոկտեմբերի 23-ին Նյու Յորքում իր առաջին նիստն է գումարել Հայոց Ցեղասպանության 100-ամյակի հանձնախումբը, որը 2015թ. ապրիլի 24-ին ընդառաջ ԱՄՆ արևելյան ափում կազմակերպելու է հիշատակի միջոցառումները:

Հանձնախմբի աշխատանքներին իրենց մասնակցությունն են բերել ԱՄՆ արևելյան ափի հոգևոր առաջնորդներն ու նրանց, ինչպես նաև համայնքային կառույցների, Նյու Յորքում և Վաշինգտնում ՀՀ դիվանագիտական առաքելությունների ներկայացուցիչները:
ՄԱԿ-ում ՀՀ դեսպան Կարեն Նազարյանը հանձնախմբին է ներկայացրել Հայոց Ցեղասպանության 100-ամյա տարելիցի միջոցառումները համակարգող պետական հանձնաժողովի կողմից արդեն իսկ գումարած երկու նիստերի արդյունքները:

Հանձնախմբի անդամները մտքեր են փոխանակել առաջիկա անելիքների ու ծրագրերի, կազմակերպչական հարցերի շուրջ և կարևորել պետական հանձնաժողովի հետ քայլերի համակարգման անհրաժեշտությունը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր