ՀԱՊԿ հիմնադրմանն ու գործունեությանը նվիրված ցուցահանդես ՄԱԿ-ում

17 դեկտեմբերի, 2012

Դեկտեմբերի 17-ին ՄԱԿ-ի գլխավոր ասամբլեայի գլխավոր մուտքի սրահում տեղի է ունեցել Հավաքական անվտանգության մասին պայմանագրի ստորագրման 20-ամյակին և Հավաքական անվտանգության պայմանագրի կազմակերպության (ՀԱՊԿ) հիմնադրման 10-ամյակին նվիրված լուսանկարների ցուցահանդեսի հանդիսավոր բացման արարողությունը, որին ներկա է գտնվել ՄԱԿ-ի Գլխավոր քարտուղարը Բան Կի-մունը, ՄԱԿ-ում ՀԱՊԿ անդամ երկրների դեսպանները:

Ցուցահանդեսի բացմանը ՄԱԿ-ում հիշյալ երկրների դիվանագետներից բացի մասնակցում էին նաև ՄԱԿ-ի քարտուղարության պաշտոնյաներ, Նյու Յորքում հավատարմագրված դիվանագիտական կորպուսի, տեղական ԶԼՄ-ների ներկայացուցիչներ, հյուրեր:

Բացման խոսքում ՄԱԿ-ում Ղազախստանի մշտական ներկայացուցիչը (որպես ՀԱՊԿ նախագահող երկիր) անդրադարձ է կատարել պայմանագրի ստորգրման ու կազմակերպության ստեղծման պատմությանը, ՀԱՊԿ գործունեությանն ու նպատակներին: Կազմակերպության անդամ երկրների համատեղ ելույթում կարևորվել է նաև ՀԱՊԿ Օպերատիվ արձագանքման հավաքական ուժերի և խաղաղապահ ուժերի ստեղծումը, այս տարի Հայաստանում, ՌԴ-ում, և Ղազախստանում անցկացված <<Վզաիմոդեյստվիե 2012>>, <<Ռուբեժ 2012>> ու <<Ներուշիմոյե բրատստվո 2012>> զորավարժությունները, ինպես նաև հիշատակել միջազգային լայն հեղինակություն վայելող ՀԱՊԿ հակաթմրանյութային միջոցառումների <<Կանալ>> գործողությունը:

Ցուցահանդեսը կգործի մինչև ս.թ. դեկտեմբերի 21-ը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր