Հայաստանը դարձավ Տիեզերքի խաղաղ նպատակներով օգտագործման (COPUOS) ՄԱԿ-ի կոմիտեի անդամ

18 դեկտեմբերի, 2012

Միավորված ազգերի կազմակերպության Գլխավոր Ասամբլեան ընդհանուր
համաձայնությամբ (կոնսենսուսով) որոշում ընդունեց ՄԱԿ-ի Տիեզերքի խաղաղ
նպատակներով օգտագործման կոմիտեում Հայաստանի լիիրավ անդամության մասին:

Մինչ Գլխավոր ասամբլեայի որոշումը, այս հարցի ՄԱԿ-ի համապատասխան
մարմիններում քննարկումների ընթացքում, Ադրբեջանը ամիսներ շարունակ
ջանքեր էր գործադրում խոչընդոտելու Հայաստանի անդամակցությունը:
Այնուամենայնիվ, հայկական կողմի տարբեր ուղղություններով կատարված
դիվանագիտական աշխատանքների արդյունքում, դեկտեմբերի 18-ին ԳԱ-ն որոշում
ընդունեց ՄԱԿ-ի Տիեզերքի խաղաղ նպատակներով օգտագործման կոմիտեին
Հայաստանի Հանրապետության լիիրավ անդամակցության մասին։

Այսպիսով, սա Բաքվին ուղղված միջազգային հանրության ևս մեկ ուղերձ էր առ այն, որ Հայաստանին մեկուսացնելու Ադրբեջանի ղեկավարության ծրագրերն ի
սկզբանե դատապարտված են ձախողման։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր