Թեքեյան Մշակութային Միության նոր կենտրոնի բացման արարողություն Նյու Ջերսիում

19 մայիսի, 2013

Մայիսի 18–ին Նյու Ջերսիում տեղի է ունեցել Թեքեյան Մշակութային Միության նոր կենտրոնի բացման արարողությունը, որին մասնակցել են ԱՄՆ արևելյան ափի հայկական կառույցների ղեկավարներ, հոգևոր դասի ներկայացուցիչներ, ինչպես նաև ՄԱԿ-ում ՀՀ մշտական ներկայացուցիչը:

Իր խոսքում դեսպան Նազարյանն ընդգծել է սփյուռքում հայ ինքնության, լեզվի ու մշակույթի պահպանության գործում Թեքեյան Մշակութային Միության դերը և հավելել, որ այդ գործընթացում իրենց նշանակալի դերակատարումն ունեն Հայ առաքելական եկեղեցին, ավանդական կուսակցությունները, միությունները, մշակույթային խմբերը, ազգային բարերարներն ու պարզապես անհատները։

Կարեն Նազարյանն առանձնահատուկ նշել է, որ վերջին մի քանի տարիների ընթացքում Թեքեյան Միությունը և ՄԱԿ-ում ՀՀ մշտական ներկայացուցչությունը համատեղ կազմակերպել են բազմաթիվ միջոցառումներ` ՀՀ անկախության, հայկական բանակի կազմավորմանը, Շուշիի ազատագրմանը, ՄԱԿ–ին ՀՀ անդամակցության հոբելյանական 20-ամյակներին նվիրված հուշ երեկոներ, համերգներ և ընդունելություններ, որոնց մասնակցել են մշակույթի հայտնի գործիչեր ու Հայաստանից ժամանած քաջածանոթ արվեստագետներ: Ավարտելով, դեսպան Նազարյանը շնորհակալություն է հայտնել թեքեյանականներին իրենց դրսևորած անսահման հայրենասիրության ու նվիրվածության համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր