ՄԱԿ-ում քննարկվել է ՄԻԱՎ/ՁԻԱՀ-ի հանձնառությունների հռչակագրի իրագործումը

12 հունիսի, 2013

Հունիսի 10-ին ՄԱԿ-ի Գլխավոր ասամբլեան քննարկել է երկու տարի առաջ իր իսկ կողմից ընդունած ՄԻԱՎ/ՁԻԱՀ-ի բնագավառում հանձնառությունների և քաղաքական հռչակագրի իրագործման ընթացքը: ԳԱ լիագումար նիստին ներկայացվել է 2011թ. ընդունված ՁԻԱՀ-ի քաղաքական հռչակագրի իրականացման ուղղությամբ ձեռնարկված քայլերի մասին ՄԱԿ-ի Գլխավոր քարտուղարի զեկույցը:

Նիստին ելույթներով հանդես են եկել կազմակերպության գլխավոր քարտողար Բան Կի-մունը, մի շարք անդամ պետությունների, այդ թվում` ԵՄ-ի, ՌԴ-ի, Ուկրաինայի, Ավստրալիայի, Նորվեգիայի, ԱՄՆ-ի, Հնդկաստանի, Կանադայի, Ճապոնիայի, Ֆրանսիայի, Բրազիլիայի, Արգենտինայի և Հայաստանի պատվիրակությունները, որոնք ներկայացնել են հռչակագրում տեղ գտած ԶԻԱՀ-ի դեմ պայքարում մինչև 2015թ. հիմնական թիրախային տաս նպատակներին հասնելու ուղղությամբ արձանագրված առաջընթացի և իրենց երկրներում կատարված քայլերի արդյունքները:

ՄԱԿ-ում ՀՀ մշտական ներկայացուցիչ, դեսպան Կարեն Նազարյանն իր ելույթում, մտահոգություն է հայտնել, որ չնայած աշխարհում ընդհանուր առմամբ ՄԻԱՎ/ԶԻԱՀ-ի հետևանքով մահացության դեպքերի նվազման համգամանքին, Արևելյան Եվրոպայում նկատվում է հակառակ միտում` աճ: Նա նշել է, որ Հայաստանում ՄԻԱՎ-ի վարակման դեպքերի զգալի մասը (ավելի քան 50%) գրանցվել է միգրանտների շրջանում և հավելել, որ վերջին տարիներին ՀՀ-ում վարակվածների թվի աճը կապված է նաև լաբորատոր ախտորոշման հասանելիության ընդլայման, խորհրդատվական և ուղղորդման համակարգի ներդրման արդյունքում առավել արդյունավետ կերպով վարակակիրների հայտնաբերման հետ:

ՀՀ դեսպանը ընդգծել է, որ հարցը գտնվում է ՀՀ կառավարության ուշադրության կենտրոնում և չնայած համաշխարհային ֆինանսատնտեսական ճգնաժամին, վերջին տարիներին ԶԻԱՀ-ի դեմ պայքարի շրջանակներում իրականացվող միջոցառումներին պետության ֆինանսական օժանդակությունն ավելացել է:

Ըստ Կ. Նազարյանի, ՀՀ ազգային ՄԻԱՎ/ՁԻԱՀ-ին հակազդման ազգային ծրագիրը միտված է մարդու իրավունքների և գենդերային հավասարության ապահովմանը, իսկ միգրանտներն ու պատանիները գտնվում են առաջնային թիրախային խմբերի շարքում: Գնահատելով Հայաստանում վարակի դեմ պայքարում միջազգային գործընկեր-դոնորների ջանքերը, դեսպանը Նազարյանը նշել, թե անհրաժեշտություն է դիտվում ՄԻԱՎ/ՁԻԱՀ-ի հակազդումը ներառել նաև 2015թ.-ից հետո ընկած ժամանակահատվածի կայուն զարգացման նպատակներում և ծրագրերում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր