ԱՄՆ Ցամաքային Զորքերի ակադեմիայի ունկնդիրների այցը Նյու Յորքում ՀՀ ներկայացուցչություն

25 նոյեմբերի, 2013

Նոյեմբերի 22-ին, ՄԱԿ-ում Հայաստանի մշտական ներկայացուցչությունը հյուրընկալեց ԱՄՆ ցամաքային զորքերի ակադեմիայի ունկնդիրներին: Դեսպան Կարեն Նազարյանը դասախոսությամբ հանդես է եկել բարձրաստիճան սպաների առջև` ներկայացնելով ՄԱԿ-ում Հայաստանի առաջնայնությունները և աշխատանքի հիմնական ուղղությունները:

Դասախոսությանը հետևած քննարկումների ընթացքում դեսպանը լուսաբանել է ԼՂ հիմնահարցի կարգավորմանն ուղղված բանակցային գործընթացին, Հայոց ցեղասպանության միջազգային ճանաչմանը, հարևան և գործընկեր պետությունների հետ Հայաստանի հարաբերություններին առնչվող հարցեր:
Հանդիպմանը մասնակցել է նաև ԱՄՆ-ում ՀՀ ռազմական կցորդ գնդապետ Մեսրոպ Նազարյանը:

Տեղեկանք.` ԱՄՆ ցամաքային զորքերի ակադեմիան հանդիսանում է ռազմավարական մակարդակում ազգային անվտանգության խնդիրների լուծման համար զինվորական և քաղաքացիական ղեկավար կազմի վերապատրաստման կենտրոն: Ակադեմիան իր ամենամյա ուսումնական ծրագրում ներառում է ունկնդիրների այցելություն Նյու Յորքում տեղակայված ՄԱԿ-ի կենտրոնատեղի:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր