Հայոց ցեղասպանության 99-րդ տարելիցին նվիրված միջոցառումներ Նյու Յորքում

02 մայիսի, 2014

Ապրիլի 24-ին Հայոց ցեղասպանության զոհերի ոգեկոչման միջոցառումներ տեղի ունեցան ԱՄՆ Նյու Յորք քաղաքում: Հայ Առաքելական Եկեղեցու թեմերում մատուցվեց հոգեհանգստյան պատարագ, ժամերգություն, որից հետո տեղի ունեցավ քայլարշավ դեպի Միավորված Ազգերի Կազմակերպության կենտրոնակայան:

Հայոց ցեղասպանության 99-րդ տարելիցի ոգեկոչման միջոցառումների շրջանակներում ապրիլի 27-ին Նյու Յորքի «Թայմս Սքուեր» հրապարակում կայացավ հայ համայնքի կողմից կազմակերպվող ամենամյա հիշատակ-բողոքի ակցիան, որի այս տարվա խորագիրն էր «Թուրքիան մեղավոր է Ցեղասպանության համար. Հերքելն անհերքելին` հանցագործություն է»:

Բազմամարդ միջոցառմանը մասնակցեցին ԱՄՆ կոնգրեսականներ, Նյու Յորքի նահանգային օրենսդիր մարմնի և քաղաքային խորհրդի ներկայացուցիչներ, բարձրաստիճան հոգևորականներ, բազմաթիվ հասարակական ու մշակութային գործիչներ, տեղական մամուլի ներկայացուցիչներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր