ՄԱԿ-ում ՀՀ մշտական ներկայացուցիչը հանդիպեց ՏնտՍոցԽորհի նախագահին

13 նոյեմբերի, 2018

Նոյեմբերի 13-ին ՄԱԿ-ում ՀՀ մշտական ներկայացուցիչ Մհեր Մարգարյանը հանդիպեց ՄԱԿ Տնտեսական և սոցիալական խորհրդի նախագահ Ինգա Ռոնդա Քինգին։

Մ. Մարգարյանը Ի. Քինգին ներկայացրեց Հայաստանի՝ որպես 2019 թվականից Տնտեսական և Սոցիալական խորհրդին անդամակցող երկրի առաջնահերթությունները, մասնավորապես՝ կայուն զարգացման նպատակների իրականացմանն ուղղված նորարարական լուծումների և սոցիալական ձեռներեցության ոլորտներում: Նշվեց, որ Հայաստանի կառավարությունը հանձնառու է կայուն զարգացման օրակարգի ազգայնացմանն ու արդյունավետ իրականացմանը՝ առաջնահերթ կարևորություն տալով օրենքի գերակայության, արդարադատության, տնտեսական և սոցիալական ոլորտում հավասար հնարավորությունների ապահովմանը, կոռուպցիայի դեմ պայքարին։
Տնտեսական և սոցիալական խորհրդի նախագահը վստահություն հայտնեց, որ Հայաստանն իր լիարժեք և կառուցողական մասնակցությունը կբերի խորհրդի աշխատանքներին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր