ՄԱԿ-ում ՀՀ մշտական ներկայացուցիչ Մհեր Մարգարյանն առցանց դասախոսություն անցկացրեց Երևանի պետական համալսարանի Միջազգային հարաբերությունների ֆակուլտետի ուսանողների համար:

30 հուլիսի, 2020

Հուլիսի 30-ին ՄԱԿ-ում ՀՀ մշտական ներկայացուցիչ Մհեր Մարգարյանն առցանց դասախոսություն անցկացրեց Երևանի պետական համալսարանի Միջազգային հարաբերությունների ֆակուլտետի ուսանողների համար: Դասախոսությունը կայացավ ՀՀ արտաքին գործերի նախարարության և Երևանի պետական համալսարանի համատեղ կազմակերպած՝ «Հայաստանի Հանրապետության հարաբերությունները համաշխարհային քաղաքականության խոշոր դերակատարների հետ» խորագրով ծրագրի շրջանակներում։

ՀՀ մշտական ներկայացուցիչը ներկայացրեց ՄԱԿ-ի գործունեությունը և կառուցվածքը, ՄԱԿ-ի հիմնական մարմինների աշխատանքների առանձնահատկությունները։ Անդրադարձ կատարվեց ՄԱԿ-ի, որպես բազմակողմ դիվանագիտության համապարփակ հարթակի, կարևոր դերակատարությանը՝ Հայաստանի առաջնահերթությունները և մարտահրավերները միջազգային ասպարեզում ներկայացնելու առումով։

Մհեր Մարգարյանն անդրադարձավ ՄԱԿ-ում ՀՀ մշտական ներկայացուցչության աշխատանքներին՝ ներկայացնելով Հայաստանի առաջնահերթությունները, մասնավորապես՝ մարդու իրավունքների պաշտպանության, ցեղասպանությունների կանխարգելման, կանանց առաջխաղացման և գենդերային հավասարության խթանման, կայուն զարգացման օրակարգի իրականացման ուղղություններով։

Առցանց հանդիպման ընթացքում Հայաստանի մշտական ներկայացուցիչը պատասխանեց ուսանողների հարցերին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր