ՀՀ մշտական ներկայացուցչի հանդիպումը ՄԱԿ Գլխավոր քարտուղարի հումանիտար հարցերով տեղակալ, Ճգնաժամային իրավիճակներում աջակցության համակարգողի հետ

19 փետրվարի, 2021

Ս.թ. փետրվարի 18-ին ՄԱԿ-ում ՀՀ մշտական ներկայացուցիչ Մհեր Մարգարյանը ընթացիկ քննարկումների շրջանակներում առցանց հանդիպում ունեցավ ՄԱԿ-ի Գլխավոր քարտուղարի հումանիտար հարցերով տեղակալ և ճգնաժամային իրավիճակներում աջակցության համակարգող Մարկ Լոուքոքի հետ (Under-Secretary-General for Humanitarian Affairs and Emergency Relief Coordinator Mark Lowcock)՝ Լեռնային Ղարաբաղի բնակչությանը ՄԱԿ հումանիտար աջակցության տրամադրման հարցերը քննարկելու նպատակով։

Հումանիտար հարցերի համակարգման գրասենյակի հետ 2020թ. հոկտեմբերից մեկնարկած աշխատանքները նպատակաուղղված են պատերազմի հետևանքով տուժած բնակչությանը ՄԱԿ-ի հումանիտար աջակցությունն ուղղորդելու գործնական մեխանիզմների վերհանմանը։

Ընդգծելով հարցի հրատապությունը՝ ՀՀ մշտական ներկայացուցիչը վերահաստատեց հայկական կողմի պատրաստակամությունը՝ դյուրացնելու Արցախի բնակչությանը ՄԱԿ-ի աջակցության ապահովումը՝ մարդկայնության, չեզոքության, անկողմնակալության և անկախության հումանիտար սկզբունքների հիման վրա։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր