Ընդունվել է ՄԱԿ-ի Զարգացման ծրագրի Հայաստանի ծրագրային փաստաթուղթը 2021-2025թթ. համար

10 հունիսի, 2021

Հունիսի 8-ին Նյու Յորքում կայացած ՄԱԿ-ի Զարգացման ծրագրի գործադիր խորհրդի տարեկան նստաշրջանի ընթացքում ընդունվել է ՄԱԿ-ի Զարգացման ծրագրի (ՄԱԶԾ) Հայաստանի ծրագրային փաստաթուղթը՝ 2021-2025թթ. համար, որով նախատեսվող գործողությունների ֆինանսավորման ծավալը կազմում է ավելի քան 75 մլն. ԱՄՆ դոլար։

Ծրագրի ընդունմանը նախորդած ելույթում ՄԱԿ-ում ՀՀ մշտական ներկայացուցիչ Մհեր Մարգարյանը բարձր է գնահատել Հայաստանի անկախությունից ի վեր ՄԱԿ Զարգացման ծրագրի հետ ձևավորված երկարաժամկետ համագործակցությունը և ՄԱԿ համակարգի աջակցությունը Կայուն զարգացման նպատակներին հասնելուն ուղղված սոցիալ-տնտեսական ծրագրերին։

Ծրագրային փաստաթուղթը բխում է 2021-2025թթ․ համար Հայաստան-ՄԱԿ կայուն զարգացման համագործակցության շրջանակով սահմանված առաջնահերթություններից, մասնավորապես՝ ներառական սոցիալ-տնտեսական զարգացման, բնապահպանական կայունության, ժողովրդավարական կառավարման և այլ ոլորտներում։

Փաստաթղթով կարևորվում են Լեռնային Ղարաբաղի դեմ ագրեսիայի հետևանքով տեղահանված և տուժած անձանց կարիքները՝ նախանշելով թիրախային միջոցառումներ պատերազմի վետերանների, հաշմանդամների և բնակչության խոցելի խմբերի զբաղվածության ապահովման, վերականգնման և սոցիալ-տնտեսական կյանքին ինտեգրման ուղղությամբ։

Ծրագրային փաստաթուղթը հասանելի է ՄԱԶԾ կայքէջում՝ https://www.undp.org/executive-board/documents-for-sessions/adv2021-annual հղումով։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր