ՀՀ պատվիրակությունը ելույթ ունեցավ ՄԱԿ ԱԽ բաց քննարկմանը

23 հունիսի, 2025

Ս.թ. հունիսի 23-ին ՄԱԿ-ում Հայաստանի Հանրապետության մշտական ներկայացուցչի տեղակալ Ժիրայր Անանյանը ելույթ ունեցավ «Աղքատությունը, նվազ զարգացվածությունը և հակամարտությունները. ազդեցությունը միջազգային խաղաղության և անվտանգության պահպանման վրա» խորագրով ՄԱԿ Անվտանգության խորհրդի բաց քննարկման ընթացքում։

Մասնավորաբար, ընդգծվեց խաղաղության և անվտանգության, կայուն զարգացման և մարդու իրավունքների փոխկապակցվածությունը. համոզմունք հայտնվեց առ այն, որ կայուն զարգացումը պետք է խարսխված լինի ժողովրդավարական ուժեղ հաստատությունների առկայության, մարդու հիմնարար իրավունքների պահպանման, ինչպես նաև խաղաղության և արդարության ապահովման վրա։

Հայաստանի պատվիրակության ելույթում նաև առանձնանշվեց տարածաշրջանի տնտեսական ողջ ներուժի բացահայտմանը միտված հայաստանյան կողմի նախաձեռնությունների իրագործման կարևորությունը, որոնցից է տարածաշրջանում կայունության և տնտեսական զարգացման ապահովմանը միտված` ՀՀ կառավարության կողմից ներկայացված «Խաղաղության խաչմերուկ» նախագիծը, որի հիմքում ընկած են ինքնիշխանության և տարածքային ամբողջականության, փոխադարձության և հավասարության սկզբունքները։

Ելույթի տեքստն ամբողջությամբ հասանելի է հետևյալ հղումով՝ https://un.mfa.am/en/statements/2025/06/23/statement-by-mr-zhirayr-ananyan-deputy-permanent-representative-of-the-republic-of-armenia-to-the-u/14543

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր