ՄԱԿ-ում Հայաստանի մշտական ներկայացուցիչ, ՏնտՍոցԽորհի փոխնախագահ, դեսպան Պարույր Հովհաննիսյանը նախագահել է ՄԱԿ Տնտեսական և սոցիալական խորհրդի հովանու ներքո կայացած վարկավորման վարկանիշների վերաբերյալ հատուկ հանդիպումը

30 մարտի, 2026

ՄԱԿ Տնտեսական և սոցիալական խորհրդի հովանու ներքո տեղի ունեցավ վարկավորման վարկանիշների վերաբերյալ հատուկ հանդիպում, որը նախագահել է ՄԱԿ-ում Հայաստանի մշտական ներկայացուցիչ, ՏնտՍոցԽորհի փոխնախագահ դեսպան Պարույր Հովհաննիսյանը։

Նիստը համախմբել է անդամ պետությունների, վարկանիշային գործակալությունների, միջազգային կազմակերպությունների ներկայացուցիչների և ներդրողների՝ քննարկելու վարկանիշների դերը ֆինանսների հասանելիության, կապիտալի արժեքի և երկրների՝ կայուն զարգացման առաջմղման կարողության ամրապնդման գործում։

Հայաստանը ընդգծել է վարկանիշային մեթոդաբանությունների ճշգրտության, թափանցիկության և երկարաժամկետ պլանավորման մոդելի ամրապնդման կարևորությունը՝ միաժամանակ նվազեցնելով մեխանիկական շեմերի նկատմամբ վարկանիշների ձևավորման կախվածությունը։ Ընդգծվեց բազմաշահառու երկխոսության ամրապնդման, երկրների կարողությունների զարգացման, նորարարական ու զարգացմանն ուղղված մոտեցումների խթանման անհրաժեշտությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր