ՄԱԿ-ում ՀՀ ՄՆ երրորդ քարտուղար Սյուզաննա Մարտիրոսյանի ելույթը «Անցում օգնությունից դեպի զարգացում» թեմայով Տնտեսական և սոցիալական խորհրդի հանդիպմանը

16 հունիսի, 2026

ՄԱԿ-ում ՀՀ ՄՆ երրորդ քարտուղար Սյուզաննա Մարտիրոսյանի ելույթը «Անցում օգնությունից դեպի զարգացում» թեմայով Տնտեսական և սոցիալական խորհրդի հանդիպմանը

«Անցում օգնությունից դեպի զարգացում» թեմայով Տնտեսական և սոցիալական խորհրդի (ECOSOC) հանդիպման շրջանակումներում անցկացված «Ներքին տեղահանված անձանց համար կայուն լուծումների առաջխաղացում» խորագրով քննարկմանը ՀՀ պատվիրակությունը շեշտեց ներքին տեղահանված անձանց կարիքներին արձագանքելու և նրանց երկարաժամկետ աջակցություն ցուցաբերելու նպատակով համապարփակ, համակարգված և կայուն մոտեցումների անհրաժեշտությունը։

Անդրադառնալով Հայաստանի փորձին՝ պատվիրակությունը նշեց, որ տարածաշրջանում տեղի ունեցած հումանիտար ճգնաժամից հետո Հայաստանը, ՄԱԿ գործակալությունների հետ սերտ համագործակցությամբ, իրականացրել է մի շարք նախաձեռնություններ՝ ուղղված խոցելի խմբերի պաշտպանությանը, նրանց սոցիալ-տնտեսական ներառմանն ու երկարաժամկետ ինտեգրմանը՝ հումանիտար, զարգացման և խաղաղության ջանքերի փոխկապակցվածության վրա հիմնված մոտեցումների միջոցով։

Շեշտվեց, որ ՀՀ շարունակում է համագործակցությունը ՄԱԿ համապատասխան մարմինների և փորձագետների հետ՝ ներքին տեղահանված անձանց վերաբերյալ իր օրենսդրական և քաղաքականության շրջանակը միջազգային չափանիշներին և լավագույն փորձին համապատասխան ամրապնդելու համար:

Ելույթի տեքստն ամբողջությամբ հասանելի է հետևյալ հղումով՝ https://un.mfa.am/en/statements/2026/06/16/statement-by-ms-syuzanna-martirosyan-third-secretary-of-the-permanent-mission-of-armenia-at-the-eco/16020:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր