ՄԱԿ-ում ՀՀ մշտական ներկայացուցիչ Պարույր Հովհաննիսյանի ելույթը ՄԱԿ Տնտեսական և սոցիալական խորհրդի հումանիտար հարցերին նվիրված նստաշրջանին

17 հունիսի, 2026

ՄԱԿ Տնտեսական և սոցիալական խորհրդի (ECOSOC) հումանիտար հարցերին նվիրված նստաշրջանին ՄԱԿ-ում ՀՀ մշտական ներկայացուցիչ Պարույր Հովհաննիսյանը վերահաստատեց Հայաստանի հանձնառությունը՝ աջակցելու հումանիտար գործողությունների արդյունավետության բարձրացմանն ու ճգնաժամերից տուժած անձանց պաշտպանությանն ուղղված միջազգային ջանքերին։

Նա կարևորեց միջազգային հումանիտար իրավունքի և հումանիտար սկզբունքների լիակատար պահպանումը՝ մտահոգություն հայտնելով քաղաքացիական բնակչության և քաղաքացիական ենթակառուցվածքների դեմ հարձակումների, հումանիտար օգնության հասանելիության, ինչպես նաև միջազգային հումանիտար կազմակերպությունների, այդ թվում՝ Կարմիր խաչի միջազգային կոմիտեի մուտքի խոչընդոտման կապակցությամբ։

Ներկայացնելով տարածաշրջանի հումանիտար մարտահրավերների հաղթահարմանը միտված Հայաստանի փորձը՝ դեսպան Հովհաննիսյանը շեշտեց, որ հումանիտար գործողությունները պետք է ուղեկցվեն վերականգնմանը նպաստելու, դիմադրողականություն ձևավորելու և ներառականությունը խթանելու շարունակական ջանքերով: Անդրադառնալով փախստականների մեծածավալ հոսքին Հայաստանի արձագանքին՝ նա ընդգծեց կայուն լուծումների կարևորությունը, որոնք աջակցում են փախստականներին և ընդունող համայնքներին: Նշվեց Հայաստանի կառավարության կողմից ՄԱԿ գործակալությունների հետ համագործակցությամբ իրականացվող ծրագրերը՝ միտված փախստականների պաշտպանությանը և նրանց երկարաժամկետ ինտեգրմանը:

Ելույթի տեքստն ամբողջությամբ հասանելի է հետևյալ հղումով՝ https://un.mfa.am/en/statements/2026/06/17/statement-by-h-e-mr-paruyr-hovhannisyan-permanent-representative-of-armenia-to-the-united-nations-a/16022:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր