ՄԱԿ-ում Հայաստանի մշտական ներկայացուցիչը մասնակցեց ՄԱԿ ՏնտՍոցԽորհ-ի և Խաղաղաշինության կոմիտեի համատեղ նիստին

22 հունիսի, 2026

2026թ. հունիսի 22-ին ՄԱԿ-ում Հայաստանի Հանրապետության մշտական ներկայացուցիչ Պարույր Հովհաննիսյանը մասնակցեց ՄԱԿ Տնտեսական և Սոցիալական խորհրդի և Խաղաղաշինության կոմիտեի «Ռիսկերից դեպի դիմակայունություն. աշխատատեղերի ստեղծմամբ սոցիալական համերաշխության առաջմղումը խաղաղաշինության համատեքստերում» խորագրով կայացած համատեղ նիստում։

Իր ելույթում, Պ.Հովհաննիսյանն ընդգծեց, որ աշխատատեղերի ստեղծումը պետք է դիտարկվի ոչ միայն որպես տնտեսական նպատակ, այլև ներդրում՝ կանխարգելման, վերակառուցման և խաղաղության պահպանման համար։

Անդրադառնալով Հայաստանի փորձառությանը՝ դեսպան ՀՀ մշտական ներկայացուցիչն առանձնանշեց, որ տեղահանված անձանց համար իրականացվող աշխատանքով ապահովման և ինքնազբաղվածության թիրախային ծրագրերը՝ աշխատանքով ապահովելով ավելի քան քսան հազար մարդկանց՝ ապահովելով ապրուստի միջոցներով և սոցիալական ներառականությամբ։

Դեսպան Հովհաննիսյանը նաև ընդգծեց ՄԱԿ Տնտեսական և Սոցիալական խորհրդի և Խաղաղաշինության կոմիտեի միջև համագործակցության ուժեղացման կարևորությունը, ինչպես նաև կառավարությունների, միջազգային ֆինանսական հաստատությունների, ՄԱԿ համակարգի և տեղի շահառուների՝ զարգացման և սոցիալական համերաշխության առաջմղման նպատակով։

Ելույթի տեքստն ամբողջությամբ հասանելի է հետևյալ հղումով՝ https://un.mfa.am/en/statements/2026/06/22/statement-by-h-e-mr-paruyr-hovhannisyan-permanent-representative-of-the-republic-of-armenia-to-the-/16024:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր