ՀՀ մշտական ներկայացուցիչ Մհեր Մարգարյանի տեսաուղերձը Կանանց միջազգային օրվան նվիրված ՄԱԿ միջոցառմանը

08 մարտի, 2021

Մարտի 8-ին Կանանց միջազգային օրվան նվիրված ՄԱԿ միջոցառմանը տեսաուղերձով հանդես է եկել ՄԱԿ-ում ՀՀ մշտական ներկայացուցիչ, ՄԱԿ Կանանց կարգավիճակի հանձնաժողովի 65-րդ նստաշրջանի նախագահող Մհեր Մարգարյանը։

Նա, մասնավորապես, նշել է, որ Կանանց միջազգային օրվան նվիրված այս տարվա միջոցառման թեման համընկնում է ՄԱԿ Կանանց կարգավիճակի հանձնաժողովի առաջիկա նստաշրջանի գերակայություններին։

Տեսաուղերձում անդրադարձ է կատարվել համավարակի պայմաններում, ինչպես նաև հակամարտություններում և ճգնաժամային իրավիճակներում կանանց և աղջիկների իրավունքների պաշտպանության, կանանց և աղջիկների նկատմամբ բռնության, որոշումների կայացման և հանրային կյանքի ոլորտներում կանանց թերի ներկայացվածության խնդիրներին։

Ընդգծելով, որ կանայք և աղջիկները գտնվում են համավարակի դեմ պայքարի առաջին շարքերում՝ ՀՀ մշտական ներկայացուցիչը կարևորել է նաև նրանց առաջնորդող ակտիվ ներգրավածությունը դրա Covid-19-ի հետևանքների հաղթահարման գործում։

Միջոցառմանը բացման խոսքով հանդես է եկել ՄԱԿ Գլխավոր քարտուղար Անտոնիո Գուտերեշը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր