ՄԱԿ-ում ՀՀ մշտական ներկայացուցիչը ելույթ է ունեցել ՄԱԿ ԳԱ Տնտեսական և ֆինանսական հարցերով կոմիտեի ընդհանուր քննարկմանը

08 հոկտեմբերի, 2021

Հոկտեմբերի 8-ին ՄԱԿ-ում ՀՀ մշտական ներկայացուցիչ Մհեր Մարգարյանը ելույթ է ունեցել ՄԱԿ Գլխավոր ասամբելայի Տնտեսական և ֆինանսական կոմիտեի (Երկրորդ կոմիտե) ընդհանուր քննարկմանը։ Դեսպան Մարգարյանը, մասնավորապես, ընդգծել է դեպի ծով ելք չունեցող և տարանցիկ երկրների միջև արդյունավետ համագործակցության կարևորությունը։ Նշվել է, որ ռազմատենչ սադրիչ հռետորաբանությունը, ինչպես օրինակ` որոշ երկրների կողմից «միջանցքներ» ստեղծելու նպատակով ուժի կիրառման սպառնալիքները, խոչընդոտում են տարածաշրջանային կայունությանը և խաղաղությանը միտված քայլերին։

ՀՀ մշտական ներկայացուցիչն անդրադարձել է Հայաստանում բարեփոխումների օրակարգի առաջ մղման գործում ՄԱԿ-ի զարգացման համակարգի հետ արդյունավետ գործընկերությանը՝ հիշատակելով տարբեր ոլորտներում ազգային ծրագրերում կայուն զարգացման նպատակների և թիրախների ընդգրկումը, տեղեկատվական տեխնոլոգիաների ոլորտում կանանց և երիտասարդության առաջխաղացմանն ու նորարարության խթանմանն ուղղված քայլերը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր