ՄԱԿ-ՀԱՊԿ համագործակցության թեմայով ՄԱԿ Անվտանգության խորհրդի նիստ

16 փետրվարի, 2022

Փետրվարի 16-ին ՄԱԿ Անվտանգության խորհրդում Ռուսաստանի նախագահության կողմից հրավիրվել էր ԱԽ հանդիպում՝ «Միջազգային խաղաղության և անվտանգության պահպանմանն ուղղված համագործակցություն ՄԱԿ-ի և տարածաշրջանային ու ենթատարածաշրջանային կազմակերպությունների միջև․ Համագործակցությունը ՄԱԿ և ՀԱՊԿ միջև» թեմայով, որի ընթացքում զեկույցներով հանդես են եկել ՄԱԿ Գլխավոր քարտուղար Անտոնիո Գուտերեշը և Հավաքական անվտանգության պայմանագրի կազմակերպության Գլխավոր քարտուղար Ստանիսլավ Զասը։ Հանդիպմանը ԱԽ անդամներից բացի հրավիրված էին ելույթներով հանդես գալ ՄԱԿ-ում ՀԱՊԿ անդամ երկրների ներկայացուցիչները։

ՄԱԿ-ում ՀՀ մշտական ներկայացուցիչ Մհեր Մարգարյանը կարևորել է ՄԱԿ-ի համագործակցությունը տարածաշրջանային կազմակերպությունների հետ՝ միջազգային խաղաղության և անվտանգության պահպանման, մարտահրավերների ու սպառնալիքների կանխարգելման և դրանց արձագանքի գործում՝ համաձայն ՄԱԿ Կանոնադրության նպատակների և սկզբունքների։

ՀՀ մշտական ներկայացուցիչն անդրադարձել է ՄԱԿ և ՀԱՊԿ միջև համագործակցությանը՝ շեշտելով խաղաղապահության ոլորտում ՀԱՊԿ-ի կողմից ՄԱԿ-ի փորձին ծանոթանալը և հիշատակելով ՀԱՊԿ գործընկերների կողմից Լիբանանում ՄԱԿ-ի խաղաղապահ առաքելություն (UNIFIL) այցելելությունը, դրանում նաև Հայաստանի խաղաղապահ ստորաբաժանման ներգրավվածությունը։ Կարևորվել է համագործակցությունը հակամարտության գոտիներ օտարերկրյա ահաբեկիչ զինյալների տեղափոխմանը և տարբեր տարածաշրջաննների ապակայունացման նպատակով դրանց օգտագործմանը հակազդելու գործում։

Ընդգծվել է, որ ՀԱՊԿ-ում նախագահության ընթացքում Հայաստանը կնպաստի ՄԱԿ-ի հետ համագործակցության հետագա խորացմանը հակամարտությունների ու ճգնաժամային իրավիճակների կանխարգելման և կարգավորման, ահաբեկչության, ծայրահեղականության և այլ անդրսահմանային սպառնալիքների դեմ պայքարի ոլորտներում՝ միջազգային և տարածաշրջանային խաղաղության և անվտանգության պահպանման նպատակով։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր