ՄԱԿ-ում ՀՀ մշտական ներկայացուցիչ Պարույր Հովհաննիսյանը ելույթ ունեցավ ՄԱԿ ԱԽ բաց քննարկմանը

24 հուլիսի, 2025

Ս.թ. հուլիսի 24-ին ՄԱԿ-ում Հայաստանի Հանրապետության մշտական ներկայացուցիչ Պարույր Հովհաննիսյանը ելույթով հանդես եկավ «Բազմակողմ դիվանագիտության և վեճերի խաղաղ կարգավորման միջոցով միջազգային խաղաղության և անվտանգության առաջմղումը» խորագրով ՄԱԿ Անվտանգության խորհրդի բաց քննարկման շրջանակներում։

Ընդգծելով ՄԱԿ կանոնադրության և միջազգային իրավունքի սկզբունքներին և նորմերին համապատասխան վեճերի բացառապես խաղաղ կարգավորման հանձնառության պահպանման պահանջվածությունը ՄԱԿ անդամ բոլոր պետությունների կողմից՝ դեսպան Հովհաննիսյանը ներկայացրեց Հարավային Կովկասի տարածաշրջանում հարատև խաղաղության և կայունության ապահովմանը միտված ՀՀ կողմից գործադրվող ջանքերը՝ ի թիվս այլոց, առանձնացնելով տարածաշրջանի տնտեսական և ենթակառուցվածքային ողջ ներուժի բացահայտմանը միտված «Խաղաղության խաչմերուկ» նախագծի իրագործման կարևորությունը։

Ելույթի տեքստն ամբողջությամբ հասանելի է հետևյալ հղումով՝ https://un.mfa.am/en/statements/2025/07/24/statement-by-h-e-mr-paruyr-hovhannisyan-ambassador-permanent-representative-of-the-republic-of-arm/14660

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր