ՀՀ պատվիրակության ելույթը Բռնի անհետացումների հարցերով կոմիտեի նախագահի և Բռնի կամ հարկադիր անհետացումների հարցերով աշխատանքային խմբի նախագահ-զեկուցողի հետ ինտերակտիվ երկխոսության ժամանակ

21 հոկտեմբերի, 2025

ՄԱԿ ԳԱ 80-րդ նստաշրջանի Երրորդ կոմիտեի՝ Բռնի անհետացումների հարցերով կոմիտեի նախագահի և Բռնի կամ հարկադիր անհետացումների հարցերով աշխատանքային խմբի նախագահ-զեկուցողի հետ ինտերակտիվ երկխոսության ժամանակ ՄԱԿ-ում ՀՀ ՄՆ երրորդ քարտուղար Սյուզաննա Մարտիրոսյանն ընդգծեց, որ Բռնի անհետացումների հարցերով առաջին համաշխարհային համաժողովում Հայաստանը կամավոր պարտավորություններ է ստանձնել զոհերի աջակցության ծրագրերը ամրապնդելու համար, այդ թվում՝ անհետացած անձանց ընտանիքներին սոցիալ-տնտեսական, հոգեբանական և իրավական օգնության տրամադրման միջոցով։

Ընդգծվեց կանխարգելման, պաշտպանության, հաշվետվողականության, ինչպես նաև բոլոր կողմերի ներգրավմամբ միջազգային համագործակցության կարևորությունը։ ՀՀ պատվիրակությունը նշեց, որ տարածաշրջանում մի շարք հումանիտար խնդիրներ դեռևս մնում են չլուծված՝ շեշտելով, որ ՀՀ առանձնահատուկ կարևորություն է տալիս Հայաստանի և Ադրբեջանի միջև խաղաղության և միջպետական հարաբերությունների հաստատման մասին նախաստորագրված համաձայնագրի շրջանակներում անհետ կորած անձանց և բռնի անհետացումների վերաբերյալ Հոդված IX իրականացմանը։

Ելույթի տեքստն ամբողջությամբ հասանելի է հետևյալ հղումով՝ https://un.mfa.am/en/statements/2025/10/21/intervention-by-third-secretary-of-the-mission-of-armenia-at-the-interactive-dialogue-with-the-chai/14884

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր