ՀՀ պատվիրակության ելույթը ՄԱԿ Արտադատական, ամփոփ կամ կամայական մահապատիժների հարցերով հատուկ զեկուցողի հետ ինտերակտիվ երկխոսության ժամանակ

22 հոկտեմբերի, 2025

ՄԱԿ ԳԱ 80-րդ նստաշրջանի Երրորդ կոմիտեի՝ ՄԱԿ Արտադատական, ամփոփ կամ կամայական մահապատիժների հարցերով հատուկ զեկուցողի հետ ինտերակտիվ երկխոսության ժամանակ ՀՀ պատվիրակությունը շեշտեց, որ, չնայած պետությունների հստակ պարտավորություններին, արտադատական սպանությունները, խոշտանգումները, կամայական կալանքները և այլ լուրջ խախտումները շարունակում են արձանագրվել, հատկապես զինված հակամարտությունների պայմաններում, ինչը միջազգային հումանիտար իրավունքի և մարդու իրավունքների միջազգային իրավունքի ակնհայտ խախտում է։ Նշվեց, որ նման հանցագործությունների առկայությունը, որոնք հաճախ հանդուրժվում կամ նույնիսկ խրախուսվում են պետությունների կողմից, ընդգծում է միջազգային հանրության կողմից կանխարգելիչ մեխանիզմների ամրապնդման և անպատժելիության դեմ պայքարի հրատապ անհրաժեշտությունը։ ՀՀ պատվիրակությունը վերահաստատեց Հայաստանի հանձնառությունը՝ կանխելու և վերացնելու արտադատական, ամփոփ կամ կամայական մահապատիժները բոլոր իրավիճակներում և կոչ արեց միջազգային հանրությանը և ՄԱԿ մարդու իրավունքների մեխանիզմներին լիարժեք ներգրավված լինել արդարության և մարդկային արժանապատվության պաշտպանության գործում։

Ելույթի տեքստն ամբողջությամբ հասանելի է հետևյալ հղումով՝ https://un.mfa.am/en/statements/2025/10/22/intervention-by-the-delegation-of-armenia-at-the-interactive-dialogue-with-the-special-rapporteur-o/14910

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր