ՄԱԿ-ում ՀՀ մշտական ներկայացուցիչ Պարույր Հովհաննիսյանի ելույթը Քաղաքակրթությունների միջև երկխոսության միջազգային օրվան նվիրված բարձրաստիճան միջոցառմանը

10 հունիսի, 2026

ՄԱԿ-ում ՀՀ մշտական ներկայացուցիչ Պարույր Հովհաննիսյանը որպես բանախոս մասնակցեց Քաղաքակրթությունների միջև երկխոսության միջազգային օրվան նվիրված բարձրաստիճան միջոցառմանը՝ միտված համանուն միջազգային օր հաստատելու վերաբերյալ Գլխավոր Ասամբլեայի 78/286 բանաձևի արդունավետ իրականացման շուրջ մտքերի փոխանակմանը:

Դեսպան Հովհաննիսյանն ընդգծեց բոլոր քաղաքակրթությունների և մշակույթների ներդրումը համամարդկային ժառանգությանը` կարևորելով բազմազանության ընկալումը որպես փոխըմբռնման, համերաշխության, ներառականության, համատեղ առաջընթացի և միջազգային համագործակցության հիմք, որը երբեք գործիք չետք է դառնա բաժանումների ու հակամարտությունների համար:

Այս համատեքստում դեսպան Հովհաննիսյանը կարևորեց Հայաստանի նախաձեռնությամբ վերջերս ընդունված ՄԱԿ-ի Գլխավոր ասամբլեայի «Կրթություն հանուն խաղաղության» բանաձևը, որը վերահաստատում է կրթության դերը որպես խաղաղության հիմնասյուն։ Նա նաև ընդգծեց Հնագույն քաղաքակրթությունների ֆորումի Երևանի հռչակագրի նշանակությունը՝ մշակութային ժառանգության պահպանության և խաղաղության մշակույթի առաջխաղացման հարցում։

Ելույթի տեքստն ամբողջությամբ հասանելի է հետևյալ հղումով՝ https://un.mfa.am/en/statements/2026/06/10/statement-by-h-e-mr-paruyr-hovhannisyan-permanent-representative-of-armenia-to-the-un-at-the-high-l/15959:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր