ՄԱԿ-ում Հայաստանի մշտական ներկայացուցչի տեղակալը մասնակցեց Միջին Արևելքում իրավիճակին նվիրված ՄԱԿ ԱԽ բաց քննարկմանը

11 հունիսի, 2026

2026թ. հունիսի 11-ին ՄԱԿ-ում Հայաստանի Հանրապետության մշտական ներկայացուցչի տեղակալ Ժիրայր Անանյանը մասնակցեց ՄԱԿ Անվտանգության խորհրդում Կոլումբիայի նախագահությամբ կազմակերպված «Միջին Արևելքում քաղաքական լուծումների առաջմղումը. միջնորդությունը և երկխոսությունը հանուն տևական խաղաղության» խորագրով ՄԱԿ ԱԽ բաց քննարկմանը։

Մտահոգություն հայտնելով Միջին Արևելքում ռազմական գործողությունների վերսկսման մասին տեղեկությունների կապակցությամբ՝ ընդգծվեց, որ ՄԱԿ անդամ բոլոր պետությունները ՄԱԿ Կանոնադրությամբ պարտավորվել են հակասությունների կարգավորմանը ձգտել բանակցությունների, միջնորդության և իրենց ընտրությամբ այլ խաղաղ միջոցներով։

ՄԱԿ-ում Հայաստանի մշտական ներկայացուցչի տեղակալը նաև նշվեց, որ Հայաստանը սատարում է իսրայելա–պաղեստինյան հակամարտության՝ «երկու պետության» սկզբունքին համահունչ՝ խաղաղ, տևական, արդար և համակողմանի կարգավորումը։

Վերահաստատվեց Հայաստանի՝ հետևողական և ամբողջական սատարումը Սիրիայի միասնականությանը, ինքնիշխանությանը և տարածքային ամբողջականությանը՝ հավելելով, որ Հայաստանը պատրաստակամ է աջակցություն ցուցաբերել հետհակամարտային կարգավորմանը, վերակառուցման ջանքերին, ինչպես նաև միջկրոնական երկխոսությանը։

Խորը անհանգստությամբ անդրադարձ կատարվեց Լիբանանում տիրող մարդասիրական իրավիճակին՝ նկատելով, որ Հայաստանն աջակցում է երկրում կայունության վերականգմանը միտված Լիբանանի կառավարության ջանքերը։ Այս համատեքստում, ՄԱԿ-ում ՀՀ ՄՆ տեղակալը շեշտեց, որ ՄԱԿ խաղաղապահների վրա հարձակումների և սպանությունների համար մեղավորները պետք է պատասխանատվության ենթարկվեն։

Ելույթի տեքստն ամբողջությամբ հասանելի է հետևյալ հղումով՝ https://un.mfa.am/en/statements/2026/06/11/statement-by-mr-zhirayr-ananyan-deputy-permanent-representative-of-the-republic-of-armenia-to-the-u/15968:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր