ՄԱԿ-ում Հայաստանի պատվիրակությունը մասնակցեց ՄԻԱՎ/ՁԻԱՀ-ի հարցով ՄԱԿ Գլխավոր Ասամբլեայի հանդիպմանը

10 հուլիսի, 2026

2026 թվականի հուլիսի 10-ին ՄԱԿ-ում Հայաստանի Հանրապետության պատվիրակությունը մասնակցեց և ելույթով հանդես եկավ ՄԻԱՎ/ՁԻԱՀ-ի մասով ՄԱԿ Գլխավոր Ասամբլեայի բարձր մակարդակի հանդիպմանը։

Ելույթում Հայաստանյան կողմից վերահաստատվեց մինչև 2030 թվականը ՁԻԱՀ-ը որպես հանրային առողջության սպառնալիք վերացնելու նպատակին հանձնառությունը։ Ընդգծվեց ՄԻԱՎ-ի կանխարգելման, թեստավորման և բուժման ոլորտներում արձանագրված առաջընթացը։

Նշվեց, որ 2024 թվականից ՀՀ կառավարությունն ամբողջությամբ ապահովում է հակառետրովիրուսային դեղամիջոցների ֆինանսավորումը պետական միջոցների հաշվին, ինչը կարևոր նշանակություն ունի բուժման կայուն և հուսալի հասանելիության ապահովման հարցում։

Հավելվեց նաև, որ թեստավորման և առողջապահական ծառայությունների ծածկույթի ընդլայնումը նպաստել են հիվանդության ավելի վաղ ախտորոշմանը և դեպքերի հայտնաբերման բարելավմանը:

Ընդգծվեց նաև հավասարության, մարդու իրավունքների պաշտպանության, խտրականության վերացման ապահովման անհրաժեշտությունը որպես ՄԻԱՎ հակազդման արդյունավետ միջոց։

Ելույթի տեքստն ամբողջությամբ հասանելի է հետևյալ հղումով՝ https://un.mfa.am/en/statements/2026/07/10/delegation-of-armenia-to-the-un-participated-in-the-un-general-assembly-meeting-on-hiv-aids/16071:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր