ՄԱԿ-ում Հայաստանի պատվիրակության ելութը ՄԱԿ Փախստականների հարցերով բարձր հանձնակատարի հետ քննարկմանը

05 նոյեմբերի, 2026

ՄԱԿ ԳԱ 81-րդ նստաշրջանի Երրորդ կոմիտեում՝ ՄԱԿ Փախստականների հարցերով բարձր հանձնակատարի հետ քննարկման ընթացքում, ՀՀ պատվիրակությունն ընդգծել է փախստականների հիմնախնդիրների տևական լուծումների ապահովման կարևորությունը։

ՀՀ պատվիրակությունը նշել է, որ 2020թ. ի վեր Հայաստանն ընդունել է շուրջ 131 հազար փախստականի, այդ թվում՝ ավելի քան 115 հազարին՝ 2023թ. սեպտեմբերին՝ անդրադարձ կատարելով նրանց երկարաժամկետ ինտեգրման ուղղությամբ իրականացվող աշխատանքներին։

Վերահաստատվել է Հայաստանի հանձնառությունը՝ շարունակելու սերտ համագործակցությունը ՄԱԿ-ի Փախստականների հարցերով բարձր հանձնակատարի գրասենյակի հետ՝ նպաստելով փախստականների և նրանց ընդունող համայնքների պաշտպանության ամրապնդմանը, ներառականության խթանմանն ու դիմակայունության բարձրացմանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր