ՄԱԿ-ին ՀՀ անդամակցության 20-ամյակին նվիրված համերգ Բոստոնում

12 դեկտեմբերի, 2012

Դեկտեմբերի 9-ին Բոստոնի հայ համայնքը կազմակերպել էր դասական համերգ` նվիրված Միավորված ազգերի կազմակերպությանը ՀՀ անդամակցության 20-ամյա հոբելյանին:
Սուրբ Երրորդություն տաճարում մատուցված դասական հոգեւոր համերգին ներկա շուրջ հազար ունկնդիրներին մատուցվեց հայ, ամերիկացի եւ եվրոպացի հանրահայտ հեղինակների ստեղծագործությունները: Համերգին ելույթ ունեցան Բոստոնի օպերայի, սինֆոնիկ նվագախմբի եւ Նյու Յորքի Մետորպոլիտեն օպերայի մեներգիչները, «Երեւան» երգչախումբը եւ նվագախումբը` ամերիկաբնակ կոմպոզիտոր Կոնստանտին Պետրոսյանի ղեկավարությամբ:

Համերգի վերջում ելույթ ունեցավ ՄԱԿ-ում Հայաստանի մշտական ներկայացուցիչ, դեսպան Կարեն Նազարյանը` ընդգծելով, որ երկրի անկախության ամրապնդման ճանապարհի կարեւոր հանգրվաններից էր անդամակցությունը միջկառավարական ունեվերսալ այդ կազմակերպությանը 1992թ.: ՀՀ դեսպանը նաեւ նշեց, որ ՄԱԿ-ում ներգրավված աշխատանքի միջոցով Հայաստանը շարունակաբար իր հանձնառությունն է դրսեւորում միջազգային խաղաղության պահպանման ու ժողովրդավարական արժեքների, օրենքի գերակայության պաշտպանության ու խրախուսման հարցերում, մասնակցում սոցիալական, տնտեսական ու կայուն զարգացման հիմնահարցերի ու օրակարգերի քննարկմանն ու մշակմանը:

Դեսպան Նազարյանը արժեվորեց Հայաստանի ու Արցախի Հանրապետության անկախության զարգացման հարցում սփյուռքի դերակատարումը:

Հարկ է նշել, որ ՄԱԿ-ին Հայաստանի անդամակցության 20-ամյակի առթիվ 2012թ.-ի ընթացքում Հայաստանում եւ ԱՄՆ-ում տեղի են ունեցել տարբեր միջոցառումներ` ցուցահանդես ու գրքի շնորհանդես, դասախոսություններ, ընդունելություններ, համերգներ, որոնց սկիզբն ազդարարվեց Երեւանում մարտի 2-ին ԱԳՆ-ում տեղի ունեցած միջոցառումով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր