ՄԱԿ-ում ՀՀ մշտական ներկայացուցիչն ընտրվեց ՄԱԿ Տնտեսական և սոցիալական խորհրդի փոխնախագահ

25 հուլիսի, 2019

Ս․թ․ հուլիսի 25-ին տեղի ունեցած ՄԱԿ Տնտեսական և սոցիալական խորհրդի (ECOSOC – Economic and Social Council) կազմակերպչական նստաշրջանի ընթացքում ընտրվեցին 2020թ-ի նստաշրջանի համար խորհրդի նախագահը և երեք փոխնախագահները։

Արևելաեվրոպական երկրների տարածաշրջանային խմբից Տնտեսական և սոցիալական խորհրդի փոխնախագահ ընտրվեց ՄԱԿ-ում Հայաստանի Հանրապետության մշտական ներկայացուցիչ Մհեր Մարգարյանը։

Տնտեսական ու սոցիալական խորհուրդը հանդիսանում է ՄԱԿ հիմնական մարմիններից մեկը, որը համակարգում է ՄԱԿ-ի մասնագիտացված գործակալությունների, ֆունկցիոնալ հանձնաժողովների, ծրագրերի և հիմնադրամների և տարածաշրջանային հանձնաժողովների աշխատանքները տնտեսական, սոցիալական, բնապահպանական և հարակից ոլորտներում։ ՄԱԿ համակարգում Տնտեսական և սոցիալական խորհրդին կենտրոնական դեր է վերապահված Կայուն զարգացման նպատակների իրականացման ուղղված գործողություններում:

ՏնտՍոցԽորհին անդամակցում է 54 երկիր, Հայաստանն անդամակցում է 2019թ. հունվարից՝ 2019-2021 ժամանակահատվածի համար։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր