ՀՀ մշտական ներկայացուցիչ Մհեր Մարգարյանը մասնակցեց ՄԱԶԾ կառավարչի հետ առցանց քննարկմանը

02 ապրիլի, 2020

Ապրիլի 2-ին ՄԱԿ-ում ՀՀ մշտական ներկայացուցիչ Մհեր Մարգարյանը մասնակցեց ՄԱԶԾ կառավարիչ Աքիմ Շտայների հետ առցանց քննարկմանը, որի ժամանակ ՄԱԿ անդամ-երկրներին ներկայացվեց COVID-19 կորոնավիրուսի համավարակի` ՄԱԿ Զարգացման Ծրագրի համալիր արձագանքի նախաձեռնությունը։ Քննարկման կենտրոնում էին կորոնավիրուսի վարակի հետևանքների նախապատրաստման, արձագանքման ու վերականգման նպատակով անդամ-երկրներին ՄԱԶԾ կողմից ցուցաբերվող աջակցության առաջնահերթ ուղղությունները:

ՀՀ մշտական ներկայացուցիչը ողջունեց ՄԱԶԾ համալիր արձագանքման ծրագրի շեշտադրումը կորոնավիրուսի համավարակի առողջապահական, հումանիտար և սոցիալ-տնտեսական բաղադրիչների վրա՝ ընդգծելով վիրուսի հետևանքով առաջացած գլոբալ առողջապահական ճգնաժամի երկարաժամկետ հետևանքներին արձագանքելու և խոցելի խմբերին պաշտպանելուն ուղղված համատեղ ջանքերի անհրաժեշտությունը։

Մհեր Մարգարյանը վերահաստատեց Հայաստանի աջակցությունը համավարակը հաղթահարելուն ուղղված արդյունավետ բազմակողմ փոխգործակցությանն ու համերշախությանը` նշելով, որ Հայաստանի կառավարությունը հանձնառու է համավարակի, դրա սոցիալ-տնտեսական բացասական հետևանքների դեմ պայքարին, ինչպես նաև անխափան վերականգնողական գործընթաց ապահովելուն ուղղված միջազգային համագործակցությանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր