Հայաստանի մշտական ներկայացուցիչը մասնակցեց ՄԱԿ Գլխավոր քարտուղարի տեղակալի հետ առցանց քննարկմանը

03 ապրիլի, 2020

Ապրիլի 3-ին ՄԱԿ-ում Հայաստանի մշտական ներկայացուցիչ Մհեր Մարգարյանը մասնակցեց ՄԱԿ-ում Դեպի ծով ելք չունեցող երկրների խմբի համար ՄԱԿ Գլխավոր քարտուղարի տեղակալ Ամինա Մոհամեդի (Amina Mohammed, Deputy-Secretary-General of the United Nations) հետ առցանց քննարկմանը, որին ներկա էին նաև Դեպի ծով ելք չունեցող երկրների հարցերով ՄԱԿ ԳՔ տեղակալը (Fekitamoeloa Katoa ‘Utoikamanu, Under-Secretary-General and High Representative for LDCs, LLDCs and SIDS) և Տնտեսական և սոցիալական հարցերով ՄԱԿ ԳՔ տեղակալը (Liu Zhenmin, Under-Secretary-General for Economic and Social Affairs)։

Հանդիպմանը քննարկվեցին COVID-19 համավարակի պայմաններում ՄԱԿ-ի համակարգի վերափոխման գործընթացի առաջնահերթություններն ու վերականգնողական նախաձեռնությունները։

ՀՀ մշտական ներկայացուցիչն իր խոսքում անդրադարձավ հատուկ իրավիճակներում գտնվող երկրների համար կենսական ապրանքների և սարքավորումների տարանցումերն ապահովելու անհրաժեշտությանը, նշելով, որ Հայաստանը, որպես դեպի ծով ելք չունեցող զարգացող երկիր, մեծապես կարևորում է տարանցիկ բեռնափոխադրումների ու տրանսպորտային հաղորդակցության հասանելիությունը COVID-19 համավարակի համատեքստում՝ հաշվի առնելով տարածաշրջանային և կառուցվածքային սահմանափակումները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր