ՄԱԿ-ում Հայաստանի մշտական ներկայացուցչի նախագահությամբ մեկնարկել է Գլխավոր ասամբլեայի Բյուջետային և վարչական հարցերով կոմիտեի նստաշրջանը

04 հոկտեմբերի, 2021

Հոկտեմբերի 4-ին ՄԱԿ-ում ՀՀ մշտական ներկայացուցիչ Մհեր Մարգարյանի նախագահությամբ տեղի ունեցավ ՄԱԿ Բյուջետային և վարչական հարցերով կոմիտեի (Հինգերորդ կոմիտե) առաջին նիստը։

Գլխավոր ասամբլեայի 76-րդ նստաշրջանի հիմնական հատվածի ընթացքում կոմիտեի աշխատանքային ծրագրում ներառված հարցերի թվում են, մասնավորապես, ՄԱԿ-ի կանոնավոր բյուջեի, ՄԱԿ խաղաղապահ առաքելությունների բյուջեների, ինչպես նաև առաջիկա երեք տարվա համար անդամ պետությունների անդամավճարների սանդղակի հաստատումը։ Հինգերորդ կոմիտեի օրակարգում են գտնվում նաև ՄԱԿ-ի ֆինանսական դրության բարելավման, ՄԱԿ վարչական և ֆինանսական գործունեության արդյունավետության վերանայման և մարդկային ռեսուրսների կառավարման թեմաները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր