ՄԱԿ Վարչական և բյուջետային հարցերով կոմիտեն ընդունեց ՄԱԿ-ի 2022թ. բյուջեն

24 դեկտեմբերի, 2021

Դեկտեմբերի 23-ին ՄԱԿ-ում ՀՀ մշտական ներկայացուցիչ Մհեր Մարգարյանի նախագահությամբ ՄԱԿ Գլխավոր ասամբլեայի Վարչական և բյուջետային հարցերով կոմիտեն (Հինգերորդ կոմիտե) ընդունեց ՄԱԿ-ի 2022թ. բյուջեն: Հինգերորդ կոմիտեի կողմից ընդունվեցին նաև ՄԱԿ-ի ֆինանսական ու վարչական ոլորտները կանոնակարգող մի շարք այլ բանաձևեր, այդ թվում՝ ՄԱԿ-ի անդամավճարների սանդղակը, որով սահմանվում են կազմակերպության 193 անդամ պետությունների կողմից ՄԱԿ-ի բյուջեին տարեկան վճարումների չափերը։

Կոմիտեի կողմից ՄԱԿ-ի տարեկան բյուջեի ընդունմանը նախորդել են կոմիտեի աշխատանքների շրջանակներում երկարատև քննարկումներ և բանակցություններ՝ անդամ երկրների պատվիրակությունների և ՄԱԿ կառույցների ներկայացուցիչների մասնակցությամբ։

Իր եզրափակիչ խոսքում դեսպան Մարգարյանը շնորհակալություն հայտնեց անդամ երկրների պատվիրակություններին, ինչպես նաև Քարտուղարության անձնակազմին կառուցողական ներգրավման համար, ընդգծելով, որ ՄԱԿ բյուջեի և հարակից այլ բանաձևերի ժամանակին ընդունումը կենսական նշանակություն ունի ՄԱԿ-ի անխափան գործունեության համար և հնարավորություն է տալիս ապահովել կազմակերպության կողմից անհրաժեշտ ֆինանսական և մարդկային ռեսուրսների պատշաճ տնօրինումը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր