ՄԱԿ-ին Հայաստանի անդամակցության 30-րդ տարեդարձը

02 մարտի, 2022

30 տարի առաջ՝ 1992թ. մարտի 2-ին, Հայաստանը միացավ Միավորված ազգերի ընտանիքին։ ՄԱԿ-ին անդամակցության երեք տասնամյակները նշանավորվել են միջազգային հանրության ջանքերին Հայաստանի կողմից ցուցաբերվող շարունակական ներդրմամբ՝ միջազգային խաղաղության և անվտանգության ամրապնդման, ցեղասպանության կանխարգելման, կայուն զարգացման, ինչպես նաև մարդու իրավունքների ու հիմնարար ազատությունների պաշտպանության ուղղություններով։

Հայաստանն իրեն սերտորեն կապակցում է ՄԱԿ Կանոնադրության նպատակների ու սկզբունքների հետ և հանձնառու է միջազգային իրավունքի վրա խարսխված բազմակողմ համագործակցության զարգացմանը։

Համագործակցության երեսուն տարվա ընթաքում ՄԱԿ-ն առանցքային գործընկեր է հանդիսացել Հայաստանի համար՝ պետական ինստիտուտների կառուցման, ժողովրդավարության և օրենքի գերակայության ամրապնդման, մարդու իրավունքների պաշտպանության, կանանց և երիտասարդների առաջխաղացման և կայուն զարգացման առումներով։

ՄԱԿ-ին Հայաստանի անդամակցության 30-ամյա տարեդարձի կապակցությամբ Հայաստանի մշտական ներկայացուցչությունը ՄԱԿ Կենտրոնակայանում կազմակերպում է «Կանայք պետականաշինության մեջ» խորագրով ցուցահանդես, որի պաշտոնական շնորհանդեսը տեղի կունենա ս․թ․ մարտի 8-ին՝ կանանց միջազգային օրվա և ՄԱԿ Կանանց կարգավիճակի հանձնաժողովի նստաշրջանի մեկնարկին ընդառաջ։ Ցուցահանդեսը նվիրված է Հայաստանի պատմական տարբեր ժամանակահատվածներում հանրային կյանքի մի շարք ոլորտներում և հասարակական-քաղաքական մտքի զարգացման գործում նշանավոր կանանց դերակատարությանը։ Ցուցադրվող նյութերի մի մասը տրամադրվել է Հայաստանի ազգային արխիվի կողմից։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր