Հայաստանն ընտրվեց ՄԱԿ-ի Հանցավորության կանխարգելման և քրեական արդարադատության հանձնաժողովի անդամ

05 ապրիլի, 2023

Ապրիլի 5-ին Նյու Յորքում կայացած ՄԱԿ-ի Տնտեսական և Սոցիալական խորհրդի նիստին Հայաստանն ընտրվել է ՄԱԿ-ի Հանցավորության կանխարգելման և քրեական արդարադատության հանձնաժողովի (The Commission on Crime Prevention and Criminal Justice/ CCPCJ) անդամ` 2024-2026թթ․ ժամանակահատվածի համար։

Հայաստանն ընտրվել է փակ, գաղտնի քվեարկությամբ՝ Արևելաեվրոպական երկրների տարածաշրջանային խմբին հատկացված տեղերի համար մրցակցային ընտրություններում։

ՄԱԿ-ի Հանցավորության կանխարգելման և քրեական արդարադատության հանձնաժողովը հանցագործությունների կանխարգելման և քրեական արդարադատության բնագավառում ՄԱԿ-ի քաղաքականություն մշակող հիմնական մարմինն է։ Այն հանդիսանում է միջպետական համագործակցության կարևոր հարթակ՝ ուղղված հանցավորության դեմ պայքարում գերակայությանների մշակմանը։

Տնտեսական և Սոցիալական խորհրդում նույն օրը կայացած ընտրությունների արդյունքներով Հայաստանն ընտրվել է նաև ՄԱԿ Թմրամիջոցների հարցերով հանձնաժողովի (The Commission on Narcotic Drugs/CND) անդամ՝ 2024-2027թթ․ ժամանակահատվածի համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր