ՄԱԿ կենտրոնակայանում տեղի ունեցավ կլիմայի փոփոխության, բազմազանության կորստի և անապատացման դեմ պայքարի ոլորտներում կանանց դերի վերաբերյալ հարակից միջոցառում

12 մարտի, 2025

Մարտի 12-ին Կանանց կարգավիճակի հանձնաժողովի 69-րդ նստաշրջանի (CSW69) շրջանակներում ՄԱԿ-ում ՀՀ մշտական ներկայացուցչության կողմից կազմակերպվեց կլիմայի փոփոխության, բազմազանության կորստի և անապատացման դեմ պայքարում կանանց դերի վերաբերյալ հարակից միջոցառում՝ ՀՀ աշխատանքի և սոցիալական հարցերի նախարար Նարեկ Մկրտչյանի մասնակցությամբ։ Միջոցառման համահեղինակների թվում էին Մոնղոլիան և Բրազիլիան, ՄԱԿ-ի Զարգացման ծրագիրը (UNDP), ՄԱԿ Բնակչության հիմնադրամը (UNFPA) և Կանանց հզորացման հարցերով ՄԱԿ մարմինը (UN Women):

Բացման խոսքում ՄԱԿ-ում ՀՀ մշտական ներկայացուցիչ Մհեր Մարգարյանը ընդգծեց կանանց և աղջիկների իրավունքների առաջմղման անհրաժեշտությունը բոլոր ոլորտներում՝ կարևորելով բնապահպանական և կլիմայական միջազգային կոնվենցիաների իրականացման գործում կանանց դերի խթանումը։

ՀՀ աշխատանքի և սոցիալական հարցերի նախարար Նարեկ Մկրտչյանն իր ելույթում կարևորեց գենդերային հավասարության ապահովումը բնապահպանական կառավարման ոլորտներում։ Նախարար Մկրտչյանը վերահաստատեց Հայաստանի լիակատար հանձնառությունը՝ խթանելու գենդերային հեռանկարները կենսաբազմազանության պահպանման համատեքստում և որոշումների կայացման գործընթացներում։

Միջոցառմանը ներկա էին ՄԱԿ անդամ երկրների, ՄԱԿ մարմինների, հասարակական կազմակերպությունների և կանանց իրավունքներով զբաղվող կազմակերպությունների բազմաթիվ ներկայացուցիչներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր