ՄԱԿ-ում ՀՀ մշտական ներկայացուցիչ, ՄԱԿ ՏնտՍոցԽորհ փոխնախագահ Պարույր Հովհաննիսյանը հանդիպել է ՄԱԿ-ի Գլխավոր քարտուղար Անտոնիու Գուտերեշի հետ` Տնտեսական և սոցիալական խորհրդի Բյուրոյի անդամների մասնակցությամբ

27 հունվարի, 2026

ՄԱԿ-ում ՀՀ մշտական ներկայացուցիչ, ՄԱԿ ՏնտՍոցԽորհ փոխնախագահ Պարույր Հովհաննիսյանը հանդիպել է ՄԱԿ-ի Գլխավոր քարտուղար Անտոնիու Գուտերեշի հետ՝ Տնտեսական և սոցիալական խորհրդի (ECOSOC) Բյուրոյի անդամների մասնակցությամբ։ Քննարկումը կենտրոնացած էր Խորհրդի աշխատանքի և դրա աճող կարևորության վրա՝ ներկայիս բարդ գլոբալ միջավայրում, հատկապես ՏնտՍոցԽորհ-ի 80-ամյակի համատեքստում։

Պ.Հովհաննիսյանի կողմից ընդգծվել են արդյունավետ համակարգման կարևորությունը, կենսաբազմազանության դերը կայուն զարգացման առաջխաղացման գործում, ինչպես նաև հատուկ իրավիճակում գտնվող երկրների, այդ թվում՝ դեպի ծով ելք չունեցող և միջին եկամուտ ունեցող երկրների առանձնահատուկ կարիքները։

Քննարկվել է նաև Տնտսոցխորհ-ի դերակատարության ուժեղացման հնարավորության հարցը` ՄԱԿ-ի համակարգը ավելի լավ համախմբելու նպատակով՝ ապահովելով ավելի մեծ հաշվետվողականություն և իրական ազդեցություն՝ ի աջակցություն անդամ պետությունների առաջնահերթությունների։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր