ՄԱԿ-ում ՀՀ պատվիրակության ելույթը Գլխավոր ասամբլեայի 81-րդ նստաշրջանի Երկրորդ կոմիտեի «Միկրոտնտեսական քաղաքականության հարցեր» և «Զարգացման ֆինանսավորման միջազգային համաժողովների արդյունքների հետևողական իրականացում» օրակարգային կետերի ներքո

08 հոկտեմբերի, 2026

ՄԱԿ-ի Գլխավոր ասամբլեայի Երկրորդ կոմիտեում մակրոտնտեսական քաղաքականության և զարգացման ֆինանսավորման հարցերի համատեղ քննարկման ընթացքում Հայաստանի պատվիրակությունն անդրադարձել է զարգացող, մասնավորապես՝ Միջին եկամուտ ունեցող երկրների առջև ծառացած մարտահրավերներին՝ աշխարհաքաղաքական լարվածության, համաշխարհային տնտեսական անորոշության և կլիմայի փոփոխության պայմաններում։ Պատվիրակությունն ընդգծել է, որ Հայաստանը, լինելով Դեպի ծով ելք չունեցող զարգացող և միաժամանակ միջին եկամուտ ունեցող երկիր, առանձնահատուկ կարևորում է կառուցվածքային խոցելիությունների հաղթահարումը, սահմանափակ հարկաբյուջետային հնարավորությունների և մատչելի ֆինանսավորման հասանելիության հետ կապված խնդիրների լուծումը։

ՀՀ պատվիրակությունը նաև ընդգծել է միջազգային ֆինանսական համագործակցության ամրապնդման, զարգացման նպատակներով մատչելի, կանխատեսելի և երկարաժամկետ ֆինանսավորման հասանելիության ընդլայնման, ինչպես նաև Սևիլյայի հանձնառությունները գործնական քայլերի վերածելու անհրաժեշտությունը։ Վերահաստատել է իր աջակցությունը միջին եկամուտ ունեցող երկրների համար Գործողությունների ռազմավարական ծրագրի զարգացմանը՝ ներառական և ՄԱԿ-ի անդամ պետությունների առաջնորդությամբ իրականացվող գործընթացի միջոցով՝ հաշվի առնելով ազգային առաջնահերթություններն ու զարգացման առանձնահատուկ կարիքները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր