ՄԱԿ-ում ՀՀ պատվիրակության ելույթը Գլխավոր ասամբլեայի 81-րդ նստաշրջանի Երկրորդ կոմիտեի «Թվային և հաղորդակցության տեխնոլոգիաները՝ կայուն զարգացման համար» և «Գլոբալիզացում և փոխկախվածություն» օրակարգային կետերի ներքո

09 հոկտեմբերի, 2026

ՄԱԿ-ի Գլխավոր ասամբլեայի Երկրորդ կոմիտեում թվային տեխնոլոգիաների և գլոբալիզացիայի վերաբերյալ թեմատիկ քննարկման ընթացքում Հայաստանի պատվիրակությունն ընդգծել է թվային փոխակերպման դերը՝ որպես կայուն զարգացման, նորարարության և տնտեսական աճի շարժիչ ուժ։ Պատվիրակությունը ներկայացրել է ազգային տեխնոլոգիական կարողությունների ամրապնդմանն ուղղված ՀՀ կառավարության առաջնահերթությունները, այդ թվում՝ առաջադեմ հաշվողական ենթակառուցվածքների զարգացումը, գիտահետազոտական գործունեության խթանումը, թվային հմտությունների կատարելագործումը և նորարարական ստարտափներին աջակցությունը։

Պատվիրակությունն անդրադարձել է նաև հոկտեմբերի 7-ին ՄԱԿ-ի Մարդու իրավունքների խորհրդի կողմից Հայաստանի և միջտարածաշրջանային հիմնական խմբի համատեղ նախաձեռնությամբ ներկայացված «Թվային տեխնոլոգիաների համատեքստում կանանց և աղջիկների իրավունքների խթանման և պաշտպանության նպատակով միջազգային համագործակցության ամրապնդումը» խորագրով բանաձևի ընդունմանը։ Վերահաստատել է միջազգային համագործակցության և նորարարական տեխնոլոգիաների, այդ թվում՝ արհեստական բանականության արդյունավետ կառավարման կարևորությունը՝ ընդգծելով, որ թվայնացումը կարող է նպաստել փոքր և դեպի ծով ելք չունեցող երկրների տնտեսությունների աշխարհագրական սահմանափակումների հաղթահարմանը, միջազգային շուկաներ հասանելիության ընդլայնմանը և կայուն զարգացման առաջմղմանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր