ՄԱԿ-ում Հայաստանի պատվիրակությունը մասնակցել է ՄԱԿ Մարդու իրավունքների հարցերով բարձր հանձնակատարի հետ ինտերակտիվ երկխոսությանը

14 հոկտեմբերի, 2026

ՄԱԿ-ում ՀՀ պատվիրակությունը մասնակցել է ՄԱԿ Գլխավոր ասամբլեայի Երրորդ կոմիտեի շրջանակներում ՄԱԿ Մարդու իրավունքների բարձր հանձնակատար Վոլկեր Տյուրկի հետ կայացած ինտերակտիվ երկխոսությանը։

Առանձնանշվել է, որ Հայաստանը համակարծիք է ՄԱԿ Մարդու իրավունքների բարձր հանձնակատարի զեկույցի այն շեշտադրման հետ, որ մարդու իրավունքները հիմնարար կարևորություն ունեն հակամարտությունների կրկնության կանխարգելման և խաղաղության պահպանման հարցում։

Հավելվել է, որ Հայաստանը հաստատապես հանձնառու է տարածաշրջանում տևական և կայուն խաղաղության առաջմղմանը։

ՀՀ պատվիրակությունն ընդգծել է, որ հումանիտար բնույթի խնդիրների հասցեագրումը միջազգային մարդասիրական իրավունքի և մարդու իրավունքների միջազգային իրավունքի համաձայն, հատկապես պահվող անձանց և անհետ կորած անձանց համատեքստում, առանցքային նշանակություն ունի վստահություն կառուցելու և հաշտեցումը խթանելու համար։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր